Пратеници од ВМРО-ДПМНЕ поднесоа предлог – закон до Собранието за престанување на важење на Законот за лустрација.
Според овој предлог -законот, работата на Комисијата за верификација на фактите завршува успешно и затоа се наметнала потребата за укинување на Законот за лустрација, јавува 24 Вести.
Законот се предвидува да важи од 1 септември. Нови лица за коишто постапката нема да заврши до 1 септември, нема да бидат лустрирани.
Укинување на Законот и ревидирање на процесот беше и една од главните барања на бриселските експерти предводени од Рајхард Прибе.
Во процесот на лустрација досега беа опфатени реномирани личности, познати како критичари на власта, како режисерот и екс прв човек на фондацијата СОРОС, Владимир Милчин, професорот и екс министер за внатрешни и надворешни во владите на СДСМ Љубомир Фрчкоски, главната уредничка на „Фокус“ Јадранка Костова, екс министерот за култура во една од владите на СДСМ и нивен екс портпарол Ѓунер Исмаил и други.
Првиот лустриран, поранешниот судија на Уставен суд Трендафил Ивановски, ја доби жалбата во Стразбур.