ВМРО-ДПМНЕ денеска оцени дека изборот Арта Точи да биде избрана за заменик-министерка за надворешни работи е скандалозен и ризичен за државата.
Владимир Нелоски на прес-конференција рече дека оспорувањето на актуелните граници и мечтаењето по големи држави од страна на вакви државни функционери може да влијае на нарушувањето на односите на Република Македонија со соседите.
– Предложената Арта Точи е автор на трудот „Границите како мит“ во кој пишува околу конференцијата во Лондон одржана 1913 година каде е донесена одлука за формирање на албанското кралство. Според неа делови од Албанија не биле вградени во нејзините административни граници. Во трудот Точи нагласува дека на Балканот границите имале поинакво значење и димензии и додава дека во тие околности границите биле линија на отуѓување на еден јазик и еден народ со кои се создале приказни со многу болка и одделеност, посочи Нелоски.
Тој побара премиерот Зоран Заев да ја преиспита одлуката за назначување на Точи за заменик-министер за надворешни работи, а во спротивно, како што рече, ќе биде одговорен директно одговорен за сите скандали и пропусти кои би се случиле во иднина.
