Информациите објавени во јавноста за можен договор за предвремени парламентарни избори и за одложување на локалните избори се шпекулации и апсолутно неточни, истакнува ВМРО-ДПМНЕ во денешната реакција.
Ваквите информации, оценува партијата, се во функција на лидерот на СДСМ Бранко Црвенковски да добие во време заради што ги залажува своите коалициски партии, членството и меѓународната заедница.
– Локални избори ќе се одржат во со Устав и закон предвидениот термин 24 март 2013 година, а рокот за поднесување на партиските кандидатури завршува на 16 февруари 2013. Сите останати шпекулации за разни можности и алтернативи се во функција на гореспоменатото за Бранко Црвенковски и се апсолутно неточни, потенцира ВМРО-ДПМНЕ во реакцијата.