ВМРО-ДПМНЕ не открива детали за сребата Мицкоски- Ахмети. Како што рече портпаролот на ВМРО-ДПМНЕ, Димче Спасовски на денешната прес-конференција не сакале предвреме да изнесуваат информации бидејќи преговорите уште се во тек и не сакале да му наштетат на процесот.
„Имаше средба помеѓу лидерот на ВМРО-ДПМНЕ Мицкоски и Али Алхмети од ДУИ, знаете вчера во Собранието, но не би сакал да откривам детали затоа што преговорите се уште траат и не би сакал да им наштетиме на процесите. Во однос на идните средби кои што ќе се закажуваат, би оставил да почекаме и штом бидат договорени ќе ве информираме“, рече Спасовски.
И од ДУИ молчат за исходот од вчерашната средба. Нема информација што побарал Ахмети од Мицкоски како услов за коалцирање и дали лидерите на двете партии успале да ги приближат ставовите.
Средбата траела еден час, во собраниските простории каде двајцата разговарале околу обезбедување на потребното мнозинство за формирање на Влада, но засега резултатот не е познат.
Како што велат од ДУИ, се прават напори да се надминат „недоразбирањата“ со доскорешниот коалиционенен партнер СДСМ кои се јавија за време на предизборната кампања, за да може да се изнесат конкретните барања кои ги има ДУИ и да се обидат да најдат компромис.
Што се однесува до информацијата дека ДУИ спореле околу тоа Заоран Заев биде мандатарот во новата Влада и побарале да биде друг функционер од партијата ова информација ја отфрлија како неточна. Велат дека се отворени за преговори со други партии, но првично ќе се сконцентрираат на средбите со СДСМ.