Граѓаните од економските политики на СДСМ добија само раст на даноците. Поради економските политики на СДСМ над 60.000 граѓани ги изгубија своите работни места. СДСМ не презеде соодветни мерки за да се заштитат работните места на граѓаните велат во соопштение од ВМРО-ДПМНЕ.
„Над 6.200 фирми се затворија, а над 500.000 граѓани преживуваат дневно со едвај стотина денари. Според најавите на НБРМ Македонија има зголемена инфлација, тоа значи зголемување на цените на производите, покачување на цените на енергенсите. И во период кога бизнис секторот е оптоварен со катастрофални економски политики, во период кога граѓаните живеат се потешко и потешко, СДСМ најавува зголемување на даноците. За жал трендот на антипазарна и антиделовна политика на оваа Влада продолжува“ – се вели во соопштението од опозициската партија.