Владеачката партија ВМРО-ДПМНЕ на сите граѓани во Република Македонија им го честита државниот празник 24 мај, Денот на сесловенските просветители, светите браќа Кирил и Методиј.
-Денес е денот кога сите ние со огромна чест и почит го чествуваме делото на словенските просветители и рамно-апостоли браќата Кирил и Методиј. Нивниот лик и дело се неизбришливо врзани не само со културата и историјата на Македонија, туку тие со својата просветителска дејност го задолжиле целиот словенски род и цела Европа.Ние сме горди што сме дел од тој цивилизациски придонес за европската и светска ризница, но истовремено сме свесни дека тоа е обврска нашата култура, традиција, јазик и идентитет да ги сочуваме од секакви премрежија кои ги носи животот, бидејќи тоа го направиле нашите предци, тоа ќе го направиме и ние, пишуваат од владејачката партија.
Нека е вечна славата на сесловенските просветители Кирил и Методиј и нивното дело!