ВМРО-ДПМНЕ го честита изборот на новиот претседател на САД, Џо Бајден. Од партијата посочуваат дека на Бајден му посакуваат успеси и истрајност во борбата против глобалните предизвици.
„Се надеваме дека политиките на меѓународно поле ќе донесат мир и стабилност и ќе го обезбедат толку посакуваниот просперитет на секаде во Светот, но и во нашиот регион. Светот минува низ тежок период, можеби најтежок по Втората светска војна, затоа потребни се одлучност, крупни чекори и промени. Секој поединечно може да направи добри работи, но сите заедно и обединети во нашите заеднички цели можеме да постигнеме големи дела. Честитки за изборот!“, стои во честитката од ВМРО-ДПМНЕ.