„Скандалозната прес конференција на Зоран Јовановски покажа дека СДСМ нема никакви конкретни барања за подобрување на буџетот, туку единствена цел е негова целосна блокада. Еве што предлага СДСМ:
- Предлагаат 81 милион евра кратење на договорните услуги, а тоа се пари кои се издвојуваат од буџетот за здравствени услуги, за набавка на лекарства во здравстѕвото. Дали СДСМ има против бесплатното здравство за граѓаните, па го предлага ова?
- СДСМ бара да се скратат 4 милиони евра за лабаратории. Потсетуваме дека оваа набавка е веќе направена и превземени се обврски. Треба ли да не го платиме она што сме го купиле, да ја брукаме државата и да плаќаме пенали за тоа?
- Предлагаат да се скратат 3.5 милиони евра за изградба на училишни спортски сали и 4 милиони евра за спортски објекти. Дали СДСМ има против здрав физички развој на нашите деца и дали СДСМ е против спортот?
- СДСМ предлага кратење на 10 милиони евра за реформи во полицијата. Што има СДСМ против овој сектор кој последниве неколку години беше најуспешен во спроведувањето на реформите и унапредувањето на оваа сфера?
- СДСМ е против капитални инвестиции во информатиката од2.5 милиони евра. Како да одиме во 21 век без информатичката техноилогија?
- СДСМ бара да се скратат и 3.7 милиони евра за поправки и тековно одржување. Го прашуваме СДСМ, како мисли да се одржуваат во тој случај авионите во дирекцијата за спасување, хелихоптерите во одбраната, софтверот во полицијата и одбраната?
СДСМ говори за задолжување, за заеми, а не кажуваат дека во нивно време се земени 7 ненаменски кредити и е издадена една еврообврзница од 150 милиони евра. На што ги потрошивте тие пари?
Сето ова покажува дека целтта на СДСМ не е да направи добро за земјата и граѓаните, туку да го држи во заложништво буџетот, а со тоа и пензионерите, земјоделците, капиталните инвестиции, воопшто сите функции и субјекти на државата“, се вели во реакцијата на ВМРО-ДПМНЕ на прес конференцијата на Зоран Јовановски.