„Единствена деструктивна партија на македонската политичка сцена е СДСМ. Бојкотот на институциите е последниот демократски механизам кога власта ја има погазено правната држава, а затворите се преполни со политички затвореници.
Проекти во полза на граѓаните нема. Буџетот и народните пари безмилосно се трошат само за да се задоволат расипничките потреби на партиските кадри. Единствено нешто на кое што работат е целосна партизација на сите нивоа, не водејќи сметка ниту за интересите на децата во градинките и училиштата во Аеродром.
За да ја покријат сопствената неспособност и расипништво, СДСМ политички гонат и притвораат патриоти, обидувајќи се да замолкнат секаква критика за нивното антидржавно однесување. СДСМ со притворањето на патриотите сака да го спречи секој глас што јавно ќе се спротивстави на намерите и погубните политики на Зоран Заев.
Во Македонија во моментов не функционира демократската држава, а нема ништо полесно од тоа да се критикува актуелниот хаос кој што со своето неработење го креира СДСМ“, се вели во реакцијата на ВМРО-ДПМНЕ на соопштението на СДСМ.
