„ДУИ почна да се идентификува со Данела Арсовска, што е и логично бидејќи се коалиција во Градот Скопје. Но имаат заедничко и што не ја говорат вистината, а и кога се фатени во небрано глумат жртви“, реагираат од ВМРО-ДПМНЕ на соопштението на ДУИ.
„ДУИ секогаш кога некој говори за нивниот криминал се вадат на националистичка карта и се кријат зад Албанците, а во исто време им бркнуваат во џебовите и ги крадат.
ДУИ како и нивниот приврзок СДС нека се охрабрат и нека излезат на избори, па ќе се види кој колку вреди и колку поддршка има од граѓаните. ДУИ е зрела за опозиција. Тоа ги плаши нив, бидејќи не знаат дали и како ќе преживеат доколку не се на власт“, се додава во реакцијата на ВМРО-ДПМНЕ.