ВМРО-ДПМНЕ: Дно, СДС ја оставија државата на цедило, а сега се ситат и прават поени од пожарите

Од:

Во врска со соопштението на СДС каде што се повикува лидерот на ВМРО-ДПМНЕ Христијан Мицкоски да се ангажира на терен, сакаме да ја изразиме нашата загриженост и да посочиме на неколку клучни точки. Прво, очигледно е дека СДС се претвора во партија која секогаш бара начин да ги политизира дури и најсериозните кризи со цел да се добие политички поени. Постои чудна корелација помеѓу интензитетот на пожарите и нивото на радост во редовите на СДС. Колку е полошо, толку врхушката на СДС е посреќна, што само ги открива нивните вистински намери и неписмена неодговорност, велат од ВМРО-ДПМНЕ.

„Второ, соочени со оваа криза, ВМРО-ДПМНЕ ја изразува својата поддршка до сите пожарникари и сите други кои се во првите редови борејќи се со огнот. Нивната храброст и пожртвуваност се непроценливи и ние стоиме заедно со нив во овие тешки времиња. Дополнително, ги повикуваме сите граѓани и политички субјекти на единство и соработка во борбата против пожарите, наместо да користат трагедиите за политички напади.

Трето, во времето кога СДС беше на власт, институциите беа девалвирани и не им се посветуваше соодветно внимание на критичните капацитети за справување со пожари. ВМРО-ДПМНЕ ја презеде иницијативата за враќање на канадерите и повторно функционирање на центарот за обука на пилоти, со што значително се подобри нашата способност за борба против пожарите.

Чевтрто, ги повикуваме СДС и сите други политички партии да покажат одговорност и да престанат да ги злоупотребуваат состојбите со пожарите за политички цели. Сите треба да работиме заедно во интерес на граѓаните и државата, и да обезбедиме безбедност и поддршка за оние кои се најмногу погодени. Петто, ВМРО-ДПМНЕ останува посветена на заштита на граѓаните и поддршка на сите напори за справување со пожарите, и ќе продолжиме да работиме на подобрување на нашите капацитети и поддршка на храбрите пожарникари и спасувачи“, велат од партијата.

Би можело да ве интересира

СДСМ: Скопјани се гушат, ќе побара ли Мицкоски одговорност од Претседателот на Управниот одбор на „Дрисла“ и негов советник?

ВМРО-ДПМНЕ: Шукова повторно продава исти лаги за Вардариште, во 2020 лажеше со Заев сега како кандидат лаже со Филипче

Предраг Петровиќ

ВМРО-ДПМНЕ: Државата оди напред, граѓаните живеат подобро

Горан Наумовски

ВМРО-ДПМНЕ: Имаме план и програма за почиста животна средина, почист воздух и поквалитетен живот за сите граѓани

ВМРО-ДПМНЕ: СДСМ ги штити Виктор Димовски, Еролд Муслиу и Љупчо Коцевски

Ѓорѓиевски: Скопје е град на слоеви – град на историја, уметност и визии