ВМРО-ДПМНЕ: Дали Заев дилот за пописот го направил во угостителски објект во Полошко

Од:

„Власта на Заев наместо попис планира да спроведе политичка операција. Затоа шверцерски, без консензус, насилно го донесе законот за попис. Овој попис не е според европските стандарди, туку според стандарди на Заев, што гарантира дека е пазарџиско-политички дил.

Затоа власта ги одби сите предлози на опозицијата вклучително и употребата на електронски отисок на прст, бидејќи не им е намерата Македонија да има реална, туку политички креирана слика за бројот на населението. Во пописот според стандардите на Заев наместо само резиденти, како што е секаде во Европа, ќе се попишуваат и нерезиденти. Во пописот на Заев ќе се диктираат само матични броеви, без приложување на документи и информации може да даваат лица кои најдобро ги познавале отсутните. И на крајот пописот на Заев ќе се смета релевантен само ако биде потпишан од директорот и заменик директорот на ДЗС и двајцата блиски до партиите на власт“, вели ВМРО-ДПМНЕ.

„Затоа повторно прашуваме, дали дилот за пописот, резултатите бројките и процентите се однапред договорени веќе во еден угостителски објект во Полошкиот крај? Основи за сомневање има многу, почнувајќи од постапката како се утврди пописот, преку отсуството на јасна методологија, заклучно со отвореното лицитирање со резултати.

СДСМ и Заев поради сето ова се одговорни, бидејќи наместо релевантна статистичка операција создаваат политичка операција која создава сомнежи, конфликти и недоверба кај целокупната јавност“, се наведува во соопштението на ВМРО-ДПМНЕ.

Би можело да ве интересира

ВМРО-ДПМНЕ: Заев да се извини за лагите за „Монструм“

Ана Ололовска

ВМРО-ДПМНЕ: Спасовски да си даде оставка веднаш

Ана Ололовска

(ВИДЕО) Мицкоски: Државата е на удар од луѓе кои криминалот им е основно занимање, а политиката ја гледаат како челичен штит од правдата

Ана Ололовска

(ВИДЕО) Николоски: Во Албанија и Србија се најавуваат 4 милијарди инвестиции, а Заев една вакцина не може да купи

Ана Ололовска

(ВИДЕО) Николов: ВМРО-ДПМНЕ нема да го поддржи контроверзниот закон за клинички центар

Ана Ололовска

ВМРО-ДПМНЕ: Николовски да каже до каде е случајот за дивоградбата кај Мавровка

Ана Ололовска