ВМРО -ДПМНЕ реагираше на соопштението на СДСМ за средбата на лидерот на СДСМ, Бранко Црвенковски, со Стефано Санино, генералниот директор за проширување на ЕК.
„Кога го гледаме како Бранко Црвенковски говори за реформи се прашуваме дали е тој истиот кому се случија аферите ТАТ, АЛФА С, Лавци, дали е истиот Бранко кој без работа остави 200-те илјади вработени, кој ги создаде стечајците и ги затвори сите поголеми фабрики, кој го партизираше судството и направи еден куп промашувања, човекот чии единствени реформи се промашувањата, криминалите и корупцијата. Срамота е истиот Бранко денес да говори за реформи“, се вели во дел од реакцијата.