ВМРО-ДПМНЕ со соопштение реагираше за соработката на Бранко Црввенковски со Љубчо Георгиевски. Од владеачката партија коментираат дека во ВМРО-ДПМНЕ пред 9 години имало раскол поради спротивните политики и различните вредности кој што од една страна ВМРО–ДПМНЕ, а од друга страна Љубчо Георгиевски ги имаа.
„Веќе 9 години ВМРО-ДПМНЕ и Љубчо Георгиевски имаат различна платформа.
Денес СДСМ е во коалиција со Љубчо Георгиевски што значи дека СДСМ ги споделува истите политики, истите морални вредности, истите принципи и платформа, истиот концепт за тоа како треба да се управува Македонија. Бранко Црвенковски и Љубчо Георгиевски се лицето и опачината на сето она што значи погубна политика за интересите на Македонија и сите нејзини граѓани.
Затоа на следните избори граѓаните референдумски ќе се изјаснат против се она што Бранко Црвенковски и Љубчо Георгиевски го претставуваат во последните 20 години, на следните избори граѓаните ќе гласаат против Бранко Црвенковски и против Љубчо Георгиевски поради нивните лаги, нивните трикови, поради илјадниците упропастени човечки судбини, поради распродажба на државните интереси, поради националната политика кој што ја водеа тие двајцата, поради криминалот и транзицијата.
Повторно прашуваме каква врска има ВМРО – ДПМНЕ со коалицијата на Љубчо Георгиевски со Бранко Црвенковски? -Немаме никаква врска. Тие се луѓето кој што ги делат истите вредности и истите политики и затоа тие двајцата совршено си одговараат“, пишуваат од ВМРО-ДПМНЕ.