Остро го осудуваме секој чин на насилство и вандализам насочени против имотот и безбедноста на било кој граѓанин, вклучително и, како што се наведува во информацијата која поткрепена со фотографии СДСМ денеска ја лиферуваше во дел од медиумите – „намерното палење на возило“ на нивен активист во Битола.
Уште повеќе ги осудуваме обидите за злоупотреба и паушална политизација на овој и било кој друг случај, од страна на некои медиуми блиски до опозицијата, преку инсинуации и неосновани обвинувања да се обидат да обезбедат политички поени за СДСМ и по секоја цена да му наметнат улога на жртва, немајќи други аргументи за оправдување на неуспешната политика на СДСМ
Во име на вистината, ги повикуваме истражните органи што поскоро да го расветлат овој случај и да ги откријат мотивите и сторителите, за да се избегнат натамошни шпекулации и политички злоупотреби.