ВМРО ДПМНЕ бара анкетна комисија која ќе ги утврди фактите и политичката одговорност за пожарот во тетовската модуларна болница

Од:

Пратеничката на ВМРО ДПМНЕ, Рашела Мизрахи, најави дека до спикерот на Собранието ќе поднесе Предлог на одлука за формирање на Анкетна комисија која ќе има за цел утврдување на фактите и политичката одговорност на надлежните и одговорните лица и институции.

„Неотповиклива оставка и понесување на одговорност од етички и морални причини е доблесен чин на искрен, чесен и самосвесен човек. На политичар и човек кој поседува личен интегритет и достоинство. За жал, министерот за здравство Венко Филипче докажа дека не е тој човек. Зоран Заев докажа дека не е тој човек. Очигледно, во нив нема ниту доблест, ниту грижа на совест, ниту искреност. Во нив нема никакво чувство на одговорност за трагедијата која што се случи во Тетово“, изјави Мизрахи на денешната прес конференција.

Таа вели дека наместо одговорност и одговори, власта од петни жили, на секој можен начин се труди да го заташка целиот случај.

„14 лица, 14 наши сограѓани ги загубија своите животи, а на Зоран Заев и Венко Филипче око не им трепнува. Без нималку срам ја замајувата јавноста неколку дена со измислената оставка на Филипче, за потоа да се преправаат како ништо да не се случило, се однесуваат како да нема 14 црно завиени и ожалостени семејства. Ова мора конечно да престане! Некој мора да одговара за загубата на овие човечки животи! Одговорност мора и ќе има! Токму од тие причини, ние како пратеничка група на ВМРО-ДПМНЕ денес до претседателот на Собранието на Република Македонија ќе поднесеме Предлог на одлука за формирање на Анкетна комисија која ќе има за цел утврдување на фактите и политичката одговорност на надлежните и одговорните лица и институции“, рече Мизрахи.

Би можело да ве интересира

ВМРО-ДПМНЕ: Филипче додека беше министер ја направи државата заложник на здравствената мафија, неколку фирми блиски до него се богатеа

Лефков: Малиот Зоки, Филиче, исто како Заев дојде на функција за да се аболира за криминалите

Лефков: Филипче како министер аминуваше милионски тендери од Ирина Пановска кон фирмата на татко и

СДСМ: Папагалски лаги, Лефков и ВМРО-ДПМНЕ да престанат да лажат за Филипче

Лефков: Венко Филипче да каже како со плата се купува Ауди Q8 и се гради хациенда на Водно

Политиката на свиткана кичма на Заев донесе штетни договори од кои и денес Македонија едвај глава крева реагира ВМРО-ДПМНЕ