„Доколку СДСМ се грижеше за намалување на загадувањето колку што лаже, Македонија немаше да биде најзагадена земја во Европа, а Скопје помеѓу десетте најзагадени градови во Светот.
Цели две години поминаа од лажното ветување за итни мерки за почист воздух, а досега не е спроведена ниту една мерка. Единствено што направија ги исклучија мерните станици во местата со најголемо загадување за да прикажат помала аерозагаденост.
Граѓаните се со нарушено здравје и секојдневно ги полнат болниците како последица на енормно загадениот воздух, а Светска банка потврди дека заради енормно загадениот воздух во Република Македонија, на годишно ниво се регистрирани 1.350 смртни случаи.
Залудни им се и лагите за грижа за зеленилото. Токму СДСМ ја укина акцијата Ден на дрвото со која изминатите години беа засадени 35 милиони садници и тоа со над 50 проценти успешност со што се смета за едно од најуспешните пошумувања во регионот. Со што уште еднаш ја потврди лажната грижа за животната средина“, се вели во реакцијата на ВМРО-ДПМНЕ на соопштението на СДСМ.
