ВМРО-ДПМНЕ: 6 200 компании згаснаа во 2020, а над 500 илјади граѓани живеат во сиромаштија

Од:

„Штом Заев и СДСМ ветат економска година, тоа е гаранција дека ќе порасне сиромаштијата, а власта ќе се богати. СДСМ и Заев се причини за економската катастрофа со која се соочува државата. Успеаја долгот на државата да го зголемат за над 1 милијарда евра за една година и да достигне над 60% од БДП. Патем никакви капитални инвестиции не направија и економијата ја доведоа до колапс. Без работаа останаа 54 илјади работници и уште толку не земаат редовно плата поради погрешните економски политики во време на криза, кои се сведоа на гол популизам и изборна корупција. Дури 6200 компании згаснаа во 2020-та година, а над 500 илјади граѓани живеат во сиромаштија со само две евра на ден. Во исто време бизнисите на лицата од власта цветаат, премиерот јаде со златни лажици, а министерката Царовска носи шал од 370 евра, колку што се месечните приходите на најголем дел од семејствата во Македонија“, стои во соопштението од ВМРО-ДПМНЕ.

„Македонија поради неспособноста, криминалот и корупцијата на власта на Заев е најсиромашната и најкорумпираната држава во Европа, од која бегаат странските инвеститори и која бележи еден од најголемите падови на БДП. Пакет мерките кои СДСМ помпезно ги најавува се само замајување на јавноста, но веќе и тоа не поминува. Само 50 % од средствата за досегашните антикризни пакет мерки се реализирани, а видовме и какво фијаско се случи со бомбастично најавуваниот Викенд без ДДВ кој имаше десеткратно потфрлање. Оваа власт на Заев не е насочена кон економија, власта на Заев е насочена кон лично богатење, корупција и криминал“, додаваат од ВМРО-ДПМНЕ.

Би можело да ве интересира

Левица: Нов скандал на власта – Јанушев со тендер од еден милион евра ќе ги плаќа партиските митинзи

Кузеска: Ако СДСМ прислушкувала, зошто ВМРО-ДПМНЕ се плаши да декласифицира

Манасиевски: Дали е вистина дека постои случај Рекет 2 и дали ЈО го крие во фиока затоа што штитат функционери на СДС и ДУИ?

Катерина Ѓуровски

Левица: Денешната седница беше перфиден театар на ДПМНЕ и ДУИ – не помина предлогот за фер конкуренција

Катерина Ѓуровски

Манасиевски: СДС си го плаќал идеологот Фрчкоски со 200 илјади евра преку Еразмус +

Катерина Ѓуровски

Лефков: Дали јахтата на која плови Филипче е на Заев и чини 850 илјади евра?