ВМРО-ДПМНЕ денеска потсети дека пред 16 години на денешен ден започнала аферата „ТАТ“ која илјадници семејства ги остави без своите заштеди.
– Точно пред 16 години, во време кога Бранко Црвенковски беше премиер, а СДСМ власт, ијладници семејства останаа без своите животни заштеди, стотици од нив и без своите најблиски. Бранко Црвенковски, неговата Влада и раководството на СДСМ беа директно одговорни и учествуваа во креирањето на аферата ТАТ, се вели во соопштението од ВМРО-ДПМНЕ.
Од партијата истакнуваат дека лидерот на СДСМ ветил расчистување на случајот, но оти ништо не е сторено, а сега после 16 години ја бара поддршката од граѓаните.
– Да беше одговорен политичар после таков милионски скандал, скандал во коишто луѓе останаа без своите животи, одамна ќе ја напуштеше политиката. ВМРО-ДПМНЕ и граѓаните на Република Македонија нема да му дозволат да ја повтори аферата ТАТ и да го повтори грабежот на државниот имот коишто го продуцираше, се наведува во соопштението.