Влатко Стефановски: На „Мексичка“ се роди „Леб и сол“

Остра реакција на нашата музичка легенда, Влатко Стефановски, и познатиот писател Горан Стефановски, за преименување на улицата „Мексичка“ во „Петре Пирузе“.

„Секое чепкање во прашањето на име е осетлива работа затоа што е неразделно врзана со индивидуалното и колективно чувство на припадност и традиција, со други зборови со поимот на идентитет. Барем ние Македонците тоа премногу добро го знаеме. На оваа улица се роди групата Леб и Сол и таа улица е опеана и во песна“, пишува гитаристот од светско реноме и еден од основачите на групата „Леб и сол“.