Власта едвај успеа да обезбеди кворум и даде зелено светло за одлуката за утврдување на процентот на зафаќање од вкупниот годишен приход на носителите на лиценци за вршење на енергетски дејности за финансирање на работењето на Регулаторната комисија за енергетика на Република Македонија за 2013 година, и за финансискиот план на Регулаторната комисија за енергетика на Република Македонија за 2013 година.
Опозицијата која жестоко ја критикуваше Регулаторната комисија, особено нејзиниот претседател не влезе во салата. Се спротивстваија на зголемените трошоци за работа на комисијата, за предвидените нови, како што велат вработувања на партиски војници, за зголемување на платите на регулаторите. Со ова укажаа дека претседателот ќе има поголема плата и од Претседателот на република Македонија.
Опозицијата прашуваше како новите вработувања ќе придонесат за намалување на цената на бензините, струјата и парното, што ќе биде од интерес за граѓаните..
Го обвинија претседателот на Регулаторната комисија за енергетика Петров дека е слеп послушник на владата за вработување партиски луѓе и ги штити интересите на поединци во енергетските компании при утврдувањето на цената на енергенсите.