Холивудската актерка Мерлин Монро се самоубила, поради тоа што не можела да има деца – изјави владиката Петар на прес – конференцијата за правото дали жените имаат право да абортираат или не.
– Актерката Мерилин Монро поради професионалната кариера, не сакала да раѓа деца и побарала да и’ извршат хируршки зафат, за да не може да забремени. Но, отпосле, кога и се јавиле чувството и желбата за мајчинство, не можела да го направи тоа бидејќи грешката била сторена, па утеха не можела да најде во никој случај освен со одземање на животот, со самоубиство – вели владиката Петар.
Тој рече дека црквата не го фаворизира новиот предлог-закон за прекинувае на бременост, бидејќи за црквата тоа претставува чедоубиство и тежок грев. Но, сепак, црквата ги поддржува измените во законот што даваат можност трудницата да биде советувана да не ја прекинува бременоста.