Владата одлучи да иницира постапка за разрешување на републичкиот јавен обвинител, Марко Зврлевски

Од:

Владата на Република Македонија, на денешната седница одлучи да иницира постапка за разрешување на јавниот обвинител на Република Македонија, Марко Зврлевски.

Владата донесе одлука, предлогот за разрешување на републичкиот Јавен обвинител поради незаконско и ненавремено извршување на функцијата, согласно законските одредби, да го достави до Советот на јавни обвинители на Република Македонија и да побара мислење.

На денешната владина седница разрешен е досегашниот директор на Службата за општи и заеднички работи на Република Македонија, Васе Доневски. За нов директор на Службата за општи и заеднички работи при Владата на Република Македонија, е именуван Пеце Мирчески.

На седницата на Владата се разгледани првичните информации за последиците од невремето во тетовско, поради излевањето на Поројска река и се задолжени повеќе надлежни министерства за брзо формирање комисија која што ќе излезе на терен за брзо утврдување на настанатите штети. Истовремено дадено е задолжение на министерствата за транспорт и врски и за животна средина да изготват подетална информација за теренската состојба околу Поројска река, со цел трајно решавање на проблемот за жителите од овој реон, соопштуваат од Владата на РМ.

Би можело да ве интересира

Венецијанска комисија: Се препорачува измена на Уставот со што би се ограничило правото на реизбор на јавниот обвинител

Лекорни ја избра својата нова „екипа“

Владата го раскина договорот за концесија на каменоломот во Страчинци

Владата на САД е блокирана за прв пат по речиси седум години

Горан Наумовски

Владата уште еднаш ја потврди својата дискриминаторска политика кон Албанците, велат од ДУИ

Горан Наумовски

СДСМ: Владата нема пари да ги покачи платите, а се луксузира на грбот на народот

Горан Наумовски