Владата контра Чулев: Министерот донесе незаконски решенија за распоредување во МВР

Од:

Владата  ја демантира изјавата на техничкиот министер за внатрешни работи Наќе Чулев дека одлуката за поништување на решенијата и наредбите за распоредување на министерот се незаконски. 

„Согласно Законот за Влада и согласно договорите од Пржино од 2016 година, техничкиот министер за внатрешни работи во мандатот на предната влада има право да изврши само 15 промени во раководните структури на МВР, и тоа само по хоризонтална линија. До моментот на одржувањето на 9-тата седница, техничкиот министер имаше направено промени на 14 раководни места по хоризонтална линија, и дури 131 распоредување по вертикална линија што е спротивно на Законот за влада и договорите од Пржино“, велат од Владата.

Оттаму велат дека на 9-тата седница, на која Владата донесе одлука да бидат поништени решенијата и наредбите со кои се налагаат кадровски промени по вертикална линија во структурата на МВР, на техничкиот министер за внатрешни работи Чулев детално му биле објаснети и протолкувани одредбите според кои тој не смеел да ги издаде тие решенија и наредби.

„Владата никогаш нема да си дозволи да „уништи“ или да „прикрие“ докази како што порачува Чулев, и ги повикува сите надлежни институции и јавноста да извршат увид во стенограмите и одлуките од 9-тата седница на Владата“.

Чулев денеска изјави дека премиерот Оливер Спасовски со фалсификат во „Службен весник“ поништил 124 решенија за распоредување во МВР оти за нив немало одлука на Владата. Тој на прес-конференција пред Јавното обвинителство побара што побргу Обвинителство да направи истрага, да ги обезбеди доказите за фалсификатот, со што ќе спречи бришење, уништување или прикривање на доказите.

Би можело да ве интересира

ВИДЕО: Спасовски, Шекеринска и Димитров упатија честитка по повод Денот на НАТО

Ана Ололовска

Чулев: Досега на 2405 лица им се издадени решенија за изолација, 9793 пополниле изјава за самоизолација

Ана Ололовска

Извозниците на брашно од пченица и наполица ќе мора да остават 30% од производството за домашниот пазар

А1он

Владата со одлуки за олеснувања на лизингот и потрошувачките кредити за време на вонредната состојба

А1он

Владата ќе врши интервентна набавка на 200 респираторни машини

А1он

Словенечка донација за МВР вредна 110 илјади евра во заштитна опрема

А1он