Во Израел досега се идентификувани 150 граѓани. Од нив 60 се вратени, а се очекува останатите 90 да пристигнат утре.
– Во одност на останатите, досеа сме идентификувале 150 граѓани. Од нив, 60 се веќе вратени односно се враќаат кон Македонија. Сакам да им се заблагодарам на властите во Албанија, на Грција. Овие 90 граѓани очекувам во текот на денот утре да бидат вратени во Македонија со организиран превоз од нашата Влада. Брачниот пар кој е заглавен во Газа ќе продолжуваме да се обидуваме да го извлечеме преку Египет – објасни министерот за надворешни работи, Бујар Османи.
После шест дена од почетокот на нападите на Хамас во Израел и пет дена по почетокот на гранатирањето на појасот Газа како одговор на Израел, македонската Влада ќе организира авионски превоз за останатите 90 граѓани. Останатите 60 македонски државјани пристигнаа благодарение на организираните превози на Албанија, Грција, Црна Гора и Србија кои од понеделникот наваму во континуитет извлекуваат свои граѓани од кризните подрачја.
Министерот Османи информираше дека од 22 граѓани кои биле идентификувани и контактирани во најзагрозените подрачја во Израел и во појасот Газа, ноќеска петмина стигнале во Атина, а нашата амбасада оттаму им обезбедила превоз до Солун, односно со македонската граница од каде што со превоз на МНР се префрлени до своите домови.
Утринава дополнително 17 од тие кои беа загрозените подрачја пристигнаа во Атина и тие во текот на денот ќе пристигнат во Македонија.