Владата почна да ја исплаќа првичната парична помош за семејствата од поплавените подрачја. Од утрово парите се префрлени на трансакциска сметка на најстариот член во семејството.
Ова го соопшти вицепремиерот и министер за финансии Зоран Ставрески денеска одговарајќи на новинарски прашања по прес-конференцијата во седиштето на ВМРО-ДПМНЕ.
Владата одлучи да им помогне на 650 семејства од поплавените подрачја со доделување првична парична помош од по 15.500 денари.
Министерот Ставрески истакна дека во моментов се утврдуваат штетите од поплавите и дека покрај оваа парична помош ќе им се помогне на семејствата и со покуќнина.
