Владата му предлага на Уставниот суд да не ја прифаќа иницијативата на адвокатот на Груевски

Од:

Владата му предложи на Уставниот суд да не ја прифати иницијативата на адвокатот Еленко Миланов за поведување постапка за оценување на уставноста на член од Кривичниот законик. Според Владата, ваквата иницијатива на адвокатот на експремиерот Никола Груевски, на ексминистерот за транспорт и врски, Миле Јанакиески, и на други обвинети во предмети на СЈО има цел да им се овозможи на обвинетите да избегнат кривична одговорност.

„Владата донесе одлука да му предложи на Уставниот суд да не ја прифати иницијативата поднесена од Еленко Миланов од Скопје, доставена до Уставниот суд на Република Македонија, за поведување постапка за оценување на уставноста на член 196 од Законот за изменувањето и дополнувањето на Кривичниот законик („Службен весник на Република Македонија“ бр.19/2004) и член 100, став 2 од Законот за изменувањето и дополнувањето на Кривичниот законик („Службен весник на Република Македонија“ бр.114/2009).

Владата му предложи на Уставниот суд да не ја прифати иницијативата со цел да се оневозможи избегнување одговорност за сторени кривични дела од страна на високи функционери за кои се води постапка од страна на специјалното јавно обвинителство“, се вели во соопштението од Владата.

Би можело да ве интересира

Владата уште еднаш ја потврди својата дискриминаторска политика кон Албанците, велат од ДУИ

Горан Наумовски

СДСМ: Владата нема пари да ги покачи платите, а се луксузира на грбот на народот

Горан Наумовски

Костадиновски: Одлуката на ДИК да оди со два потписи, која не претставува ограничување, претставува и имплементација на одлуката на Уставниот суд

Уставен не поведе постапка за Правилникот на ДИК

Правилникот на ДИК за собирање потписи за кандидатските листи за локалните избори пред Уставен суд

Владата одлучи: Се забранува за движење на територија на депонијата „Вардариште”

Горан Наумовски