Владата и здруженијата разгледуваат легализација на марихуаната по канадски терк

Од:

На третиот состанок на Работната група за канабис, кој се одржа денеска во Владата на Република Северна Македонија, на покана на членовите од Здружението на производителите на медицински канабис, присуствуваше и Стефани Вилмо од Канада – консултант за правни прашања и добри производни практики, познати како GMP стандарди (Good Manufacturing Practice) и процеси за примена на лиценци.

dobivaj vesti na viber

Со членовите на работната група, Вилмо сподели искуства и информации за начинот на кој во Канада е легализирана медицинската и личната употреба на марихуаната. Таа се осврна на тековните стандарди, вклучително и добрите производни практики (GMP) за хербални медицински препарати, велат од Владата.

Беа објаснети повеќе аспекти кои ги опфаќаат прописите за здраво и безбедно одгледување на канабисот, за контрола на квалитетот во сите аспекти на производството, и тоа за: неопходноста од научно истражување за примена на канабисот како лек за специфични болести, важноста на правилното инспекциско работење за да се обезбеди дека нелегалниот канабис не влегува во медицинскиот пазар и пазарот за лична употреба, вклучително и целосни контролни механизми за следење на одгледувањето и производството на канабис, заштитата на малолетници, и даночните придобивки од легализацијата на канабисот.

На состанокот се разгледаа потребите и можностите за проширување на листата на дијагнози за кои канабисот може да се препише од доктор за медицинска употреба, за што во периодот што следува ќе бидат дефинирани конечните решенија.

Работната група ги разгледуваше и можностите за обезбедување декриминализација на канабисот во рамки на тековната дискусија за измени на Кривичниот законик, а со цел да се отстранат недостатоците во спроведување на правото во оваа област.

Во рамки на работната група се изработува и компаративна анализа на моделите по однос на статусот на употреба на канабисот во десет различни земји од регионот, Европа и светот (Португалија, Холандија, Чешка, Шпанија, Канада, Колорадо (САД), Калифорнија (САД), Израел, Хрватска и Албанија) која ќе обезбеди темелен преглед на политиките за канабис согласно утврдените критериуми.

На третиот состанок на Работната група за канабис учествуваа претставници од Министерството за здравство, Министерството за правда, Министерството за внатрешни работи, Кабинетот на премиерот, Здружението на токсиколози, Психијатриската асоцијација, Факултетското студентско собрание при Фармацевтски факултет, Хелсиншкиот комитет за човекови права, ХОПС – Опции за здрав живот Скопје, Коалицијата маргини, Здружението Операција Ослободување, Здружението за канабис и зелени политики Билка, НВО коалиција Канабис институт Пелагонија, Здружението на производителите на медицински канабис, Иновативната фармацевтска индустрија и од Факултетот за земјоделски науки и храна при УКИМ.

Би можело да ве интересира

Бектеши не ги слуша граѓаните место маржите да ги замрзне цените на производите

Приведен дилер во Скопје, при претрес во неговиот дом пронајдена марихуана

Владата го разгледа новиот Национален план за управување со квалитетот на јавниот сектор

Ана Ололовска

Надоместоците за членовите на Управниот одбор на „Водостопанство“ намалени за 50 отсто

Ана Ололовска

Владата го утврди Предлог-законот за прогласување на Студенчишко Блато за заштитено подрачје

Ана Ололовска

Одобрени 1,1 милијарда денари за континуирано снабдување со топлинска енергија

Ана Ололовска