Владата ги поништи одлуките на Мизрахи за нови директори на центрите за социјална работа

Од:

Владата вечерва донесе одлука за поништување на решенијата за разрешување на должност вршители на должност и именување на вршители на должност директори во јавните установи – меѓуопштински центри за социјална работа во Штип, Битола, Пробиштип, Валандово, Прилеп и Радовиш.

-Одлуката на техничката министерка Рашела Мизрахи за разрешување и именување на вд директорите на центрите за социјална работа е донесена спротивно на чл.46 став 2 од Законот за влада: „Дополнителниот заменик на министерот заедно и рамноправно со министерот учествува во остварувањето на надлежностите предвидени во Законот за организација и работа на органите на државната управа„.

Со оглед дека целта за избор и на техничкиот министер и на дополнителниот заменик на министер е организација на изборите за пратеници во Собранието, сите правни и кадровски прашања потребно е заедно и рамноправно да се разгледуваат и за истите заедно и рамноправно да се носат одлуки односно да се одобруваат, што следствено ќе биде верификувано со акт/документ кој ќе биде потпишан во случајов од министерката и од дополнителната заменичка на министерката.

Техничката министерка, спротивно на законот и со притисок врз вработените во архива (со писмена наредба) ги донела решенијата за разрешување и решенија за именување на други вршители на должност директори во јавни установи меѓуопштински центри за социјална работа, информираат од Владата.

Би можело да ве интересира

Словенечките медиуми за распуштањето на Собранието и разрешувањето на Мизрахи

Ана Ололовска

Спасовски апелира до ВМРО-ДПМНЕ да даде предлог за нов министер за труд и социјална политика

Предраг Петровиќ

Мизрахи носела кадровски решенија дента кога била покрената постапката за нејзино разрешување

Предраг Петровиќ

(ВИДЕО) Шахпаска: Со разрешувањето на Мизрахи, Собранието го одбрани Уставот и интересите на граѓаните

Драган Поповски

Ласовска: Мизрахи беше разрешена по диктат на Заев

Габриела Димковиќ-Мишевска

СДСМ: Заштитен е Уставот, интересите на граѓаните и европската перспектива на државата

Драган Поповски