Владата на денешната седница донела одлука да му предложи на Собранието да одобри продолжување на кризната состојба до крајот на јуни следната година.
„Владата на Република Северна Македонија на денешната редовна 25-та седница го усвои предлогот на Управувачкиот комитет за координација и управување во системот за управување со кризи и го утврди текстот на Предлог – одлуката за одобрување на продолжување на рокот за постоење на кризна состојба на територијата на Република Северна Македонија. Со оваа предлог-одлука се предлага на Собранието на Република Северна Македонија да одобри продолжување на рокот за постоење на кризна состојба до 30 јуни 2021 година“ – инфромираат од прес службата на владата.
Првата кризна состојба беше прогласена на 20 ноември и трае до 19 декември, а доколку биде усвоено и ова барање кризната состојба ќе трае до почетокот од јули следното лето.