На денешната седница Владата донесе одлука со која и го дава на трајно користење без надоместок деловниот простор во кој сега е сместена Државната изборна комисија.
Во соопштението од Владата се наведува дека примопредавањето на деловниот простор ќе се изврши меѓу Министерството за финансии и Државната изборна комисија во рок од осум дена од денот на влегување во сила на оваа одлука.
– Оваа одлука на Владата е во согласност со акциите од Планот 3-6-9, според кои е предвидено создавање подобри услови за непречено и функционално работење на Државната изборна комисија, се појаснува во соопштението.