Вчера околу 15:30 часот, во Виница во семејната куќа, откако В.Д. (18) дошол од работа и влегол во кујната, по кратка расправија со неговиот татко Љ.Д. (55), со кујнски нож тргнал и замавнал кон В.Д., но бил спречен од сопругата.
Потоа Љ.Д. зел секира со која замавнал кон В.Д., но не го погодил, а сопругата повторно, успеала да му ја земе секирата.
Љ.Д. уште еднаш се обидел да го нападне В.Д., овој пат со огревно дрво, но повторно не успеал.
Извршен е увид на лице место, а над Љ.Д. било извршено алкотестирање, при што било утврдено присуство на алкохол во крвта од 1,92 промили.
Против лицето ќе биде поднесена соодветна пријава.