Јавните институции во Охрид кои се под капа на државата се големи должници на Охридски комуналец, обвинија од јавното претпријатие кое се грижи за јавната чистота во Охрид.
Меѓу должниците е и Вилата на Претседателот Иванов и на Премиерот Груевски во Охрид чиј што долг според претпријатието бил повеќе од 10000 евра.
„Доколку вашите партиски другари од ВМРО-ДПМНЕ ги платат обврските кои ги имаат кон нашето претпријатие, тогаш ние навреме ќе ги платевме обврските кон ЕВН; (во време кога ваши кадри (ВМРО-ДПМНЕ) го водеа Комуналец струјата и воопшто не се плаќаше).Ќе Ви наброиме само дел од дожниците спрема нашето претпријатие: Здравствени институции (170.183,00 ден.); министерствата (2.390.808,00 ден.); Јавни претпријатија (4.171.347,00); Резиденцијалните вили на Претседателот и Владата (635.340,00)“, велат од Охридски Комуналец.
Реакцијата доаѓа по вчерашните обвинувања на Вмро Дпмне и пратеникот Харалампие Шокароски дека Јавните претпријатија во Охрид се во лоша финансиска состојба и дека вработените нередовно земале плати.
„Му честитаме на храброста што во време кога неговите колеги штрајкуваат и се борат за своите права, во време кога охриѓани веќе трета година се без болница и во време кога во Македонија сеуште умираат деца од дезинтерија (како да сме афричко племе), има доблест да држи лекции како треба да се управува со локалната самоуправа и јавните претпријатија.Ј.П.”Охридски Комуналец” зема плата секој први во месецот и редовно ги подмирува сите обврски спрема државата. Во последните три години претпријатието не се има задолжено со кредит, туку отплаќа кредит од минати години“ велат од Охридски комуналец.