Викиликс: Милошоски барал од САД да влијае за извештајот на ОДИХР за изборите во 2008 година

Од:

Викиликс објави нов документ од 3-ти Јуни 2008 година во кој стои дека Антонио Милошоски, кој во тој период беше министер за надворешни работи се обратил до Амбасадорката на САД во Македонија, Џилијан Миловановиќ, со барање да влијае да влијае на извештајот на ОДИХР во однос на изборите и сугерирал извештајот да го прифати позитивниот став на неговата партија.

Еве што е објавено во документот:

По предвремените парламентарни избори на 1 јуни, проследени со насилство и измами, Антонио Милошоски (во тој период министер за надворешни работи н.з.) се обратил до Амбасадорката на САД во Македонија, Џилијан Миловановиќ, со барање да влијае на извештајот на ОДИХР во однос на изборите кој требало да биде објавен подоцна во текот на истиот ден.

Тој побарал од амбасадорката да влијае извештајот да го прифати позитивниот став на неговата партија според кој проблеми имало во само 1-2% од избирачките места кои се наоѓаат во еден дел од земјата и дека изборите биле главно слободни и фер.

Милошоски рекол дека истакнување на проблеми како што се измама, закани и насилство во Северозападна Македонија ќе разгори меѓуетнички конфликти, тврдејќи дека позитивниот тон е најдобар за внатрешната стабилност.

Додал и дека со истото барање морал да се обрати до шефот на набљудувачката мисија на ОДИХР, амбасадорот Роберт Бери.

Непријатно изненадена од оваа молба, амбасадорката го информирала дека нема влијание врз независните извештаи на ОДИХР, и дека дури и кога би можела, не би упатила такви барања. Таа кажала и дека нејзините лични забелешки, како и оние на 26-те тимови за мониторинг на Амбасадата забележале сериозни проблеми во многу повеќе од 1 до 2% од избирачките места.

Амбасадорката понатаму го советувала Министерот за надворешни работи да не сугерира дека нерегуларостите кои се лоцираат главно во етнички албанските области, не ја одразуваат сликата за Македонија како целина. Додала дека Македонија е една земја, а Владата,преку бегање од одговорноста за спроведување на законите и гаранцијата на еднакви права на целата територија, придонесува за идејата за сепаратизам.

Таа му рекла на министерот дека за изборите да не пропаднат потребно е прегласување не само во околу 60 избирачките места затворени поради насилство или други сериозни нерегуларности, но и во сите останати избирачки места за кои постојат веродостојни извештаи за нерегуларности.

Претставникот на Европсака унија подоцна не информираше дека на 2 јуни дека Милошоски му се обратил со истото барање и дека тој бил подеднакво јасен во одбивањето да влијае на извештајот на ОДИХР.

Коментари: Јасно е дека е во режија на премиерот Никола Груевски.

Јавувањата на министерот Милошоски, и покрај победата, укажуваат на тоа дека ВМРО-ДПМНЕ е загрижена дека нивниот мандат може да биде ослабен како резултат на критики во однос на спроведување на изборите.
Прв пат дознаваме дека Владата на Република Македонија прави обид да влијае на извештајот на ОДИХР.

Би можело да ве интересира

ВИДЕО: Крвав напад со нож во САД, четворица мртви

(ВИДЕО) Самка Ибраимовски: Доста е да не водат семејни кланови и партиски потрчковци

Орце Костов

САД воведоа санкции за ентитети кои наводно им помагале на Хутите и Хезболах

Таравари: Mладите се јадрото на населението, иселувањето на младите е државен аларм

А1он

Претседателските кандидати до кампањата не смеат да трошат пари од трансакциската сметка наменета за изборна кампања

Горан Наумовски

САД бара од Украина да ги запре нападите врз руските рафинерии