Актерските зафати на владините функционери сред кризата не престануваат. Лоша глума, актерите исти, му реферираат на Никола Груевски кој што направил досега. Се демонстрира ефикасност осмиот ден од поплавата, откако институциите потфрлија, пред нарачани камери на истите медиуми, кои секој ден случајно налетуваат на Груевски.
-Овие што се камиони, така? Да камиони се . И овие цела ноќ ќе работат? Дел од нив ќе работат, да.
-Значи сега тенкиот слој од калта се вади? Да тоа се прави. Фекалките? И тие ќе работат цела ноќ, така? Да така е, беа прашањата на претседателот на ВМРО-ДПМНЕ и одговорите на градоначалникот на Скопје.
-Морам да го пофалам Коце, одлична работа заврши и претпријатијата од комунална хигиена, рече Владимир Пешевски, пред Груевски.
Сите заедно на Груевски го убедуваа дека се враќале насмевките на лицата на поплавените граѓани, иако во реалноста тие не знаат што со себе, откако водата им уништи се што досега создавале..
-Прв пат гледаме насмевки, се враќаат насмевките кај луѓето, се враќа довербата кај граѓаните, го информираа Груевски градоначалникот на Скопје и Пешевски.
Во моментот на поставување на видеата во овој текст, видеата имаа само 554 и 417 прегледи што укажува за интересот на јавноста за ваквите претстави.