Охрид изминатите денови покажува дека целиот систем за борба против коронавирусот е паднат. Ниту некој носи маски, ниту има дистанца.
Огромни журки секоја вечер, но и преку ден се случуваат на плажите во Охрид.
И не само што никој не го спречува ваквото однесување туку добива и на сила. И институциите и државата како да се на одмор или пак немаат моќ да го спречат хаосот и да воведат ред.
На социјалните мрежи масовно се споделуваат видеа и фотографии со наслов „македонскиот Вухан“, „Кластер Градиште Бич“ „корона забави“.
Покрај тоа што не се почитуваат мерките, социјалните мрежи се преполни и со фотографии од расфрлано ѓубре по улиците и во езерото.