Доколку се има вистинска желба, доволни се и шест месеци, за прочистување на избирачкиот список. Инаку со ваков список, не може да се оди на избори, вели градоначалникот на општина Центар, Андреј Жерновски.
Тој потсети на локалните избори во Центар, кога граѓани од соседна држава, гласаа за градоначалник и советници во Центар, но рече, и на последните претседателски и парламентарни избори, повторно гласаа гласачи од Пустец.
„Најважна е волјата. Јас не гледам волја кај власта. Со чист список и со фер правила Груевски знае дека не може да победи.
На Груевски не му е важно до кога ќе остане. Варијантата на Груевски е само тој да остане, а по извештајот на Прибе тоа не смее да се случи. Мој став е дека Груевски веднаш треба да си замине. Главен мотив на Груевски не е нов мандат, туку да остане слободен“, изјави Жерновски.