По уривањето на металните огради на паркот спроти Бристол, на местото дојде и градоначалникот на општина Центар, Андреј Жерновски.
Тој на жителите им појасни дека спорната парцела е од прва категорија во директна надлежност на владата, која според него за жал претходниот градоначалник не презел иницијатива земјиштето да биде на општина Центар.
Според Жерновски и покрај обидите на инспекторот на општина Центар бил оневозможен да ја испита целата работа. Жерновски додаде дека што се однесува до другата парцела на паркингот и каде е предвидено да се гради катна гаража утре ќе излезе со податоци, зашто постојат сериозни шанси да се спречи изградбата на катната гаража.