Гасификацијата во општина Центар се одвива според ветувањето во предизборието. Градоналникот на општина Центар Андреј Жерновскивели дека на седница на Советот на општината помина одлуката за потреба на формирање на Центар гас. Гасификацијата започна од ОУ „Димитар Миладинов“.
Досега училиштето плаќаше 80.000 евра годишно за загревање, а сега со гасификацијата 32.000, што значи заштедата само за ова училиште ќе биде 50.000 евра.
Следни за гасификација се ОУ „Гоце Делчев“ и една градинка.
За обвинувањата од ВМРО-ДПМНЕ, дека гасификацијата е нивни проект, Жерновски праша, ако сакале, зошто за 13 години колку што беа власт не го реализираа.
„Ако Коце Трајановски сака, можеме проектот заедно да го работиме, и се во интерес на граѓаните. Се договоривме да имаме средба и се надевам на коректна соработка. Владата вети во предизборието дека ќе помогне во изградба на училиштето во Капиштец. Не знам што би се сменило ако градоначалник е од друга политичка опција.
– И Владата и сите треба да работиме во интерес на граѓаните.Очекувам средба со министерот за образование и да се договориме. Набрзо ќе го отвориме тендерот за идејно решение на училиштето“, изјави градоначалникот на општина Центар, Андреј Жерновски.