Актуелниот градоначалник на општина Центар и претседател на Либерално демократската партија изјави дека сеуште не знае дали ќе се кандидира на престојниот конгрес на неговата партија идната година.
Според Жерновски, притисоците во Центар биле огромни и затоа размислува да се посвети единствено на градоначалничката функција.
Потенцираше дека ЛДП, има кадар соодветен за таа функција и ги демантираше пишувањата во медиумите дека во неговата партија има раскол.
„Нормално е да има демократска кандидатура и јас со нетрпение чекам да има конгрес на партијата, а дали ќе се кандидирам останува да одлучам. Водењето на општина Центар во вакви услови е специфична и бара сериозна посветеност и затоа оваа дилема е кај мене присутна. Постои можност да се кандидирам а и постои можност да не се кандидирам, ЛДП има кадри и не се сомневам дека ќе продожи да функционира со полна пареа“, изјави Жерновски.
Горан Милевски од Битола кој вооедно е и потпретседател на ЛДП, најави дека официјално ќе поднесе кандидатура за лидерската позиција. Тој негираше дека има раскол во партијата но и потенцираше дека ЛДП останува партија која ќе продолжи да делува опозициски.