– Општина Центар нема да даде дозвола за градба, се’ додека не се расчисти што ќе биде со оваа парцела – реагира градоначалникот на Општина Центар, Андреј Жерновски, на огласот кој вчера го даде Министерството за транспорт и врски за продажба на најатрактивното место на плоштад „Македонија“.
Тој издвои неколку причини зошто Министерството го продава на оглас земјиштето.
– Министерството брза со продажба на парцелата бидејќи на наредната седница е најавена ревизија на деталниот урбанистички план за „Мал ринг“. Притоа, во тек е постапката за конечно преземање на земјиштето во рацете на Општина Центар. Новиот урбанистички план за „Мал ринг“ е во спротивност на Уставот и законите на Македонија – вели Жерновски.
Според него, потенцијалните купувачи треба да се замислат дали ќе инвестираат во земјиштето, во време кога се прави ревизија на проектот „Скопје 2014“.
Петар Клинчарски