Андреј Жерновски, појаснувајќи го ставот на Роза Каровска Топузова, рече, дека таа изјавила дека не смее да се дозволи експресно одбивање од двете страни.
Ние во опозицијата, вели, не се споивме за да размислуваме сите исто.
„Ве уверувам дека заклучоците кои сите ги даваме како здружена опозиција едногласно се усвоени и дека претставуваат став на сите партии во опозцијата. Сите овие провокации, како што беше провокацијата со продолжување на рокот за пријавување листи, дополнително не зближија. Нема повлекување, се додека не се повлече оваа власт“, изјави Жерновски.
На новинарско прашање, дека премиерот одбива да го соопшти ставот пред медиумите а ги испраќа своите помошници да го соопштат владиниот став, Жерновски рече:
„Не е прв пат Груевски да го снема кога во Македонија има критична ситуција. Кога го нема Груевски тогаш знаете дека во Македонија има криза. Не е најголем проблем што Груевски одбегнува директен медиумски дуел со опозицијата, тоа веќе го знаеме, проблем е што одбегнува дуел со граѓаните, а граѓаните го чекаат на воонредни парламентарни избори“.
