Амбасадорот на ЕУ во Македонија, Самуел Жбогар истакна дека реформите бараат постојан дијалог меѓу власта и опозицијата, а напредокот на државата ќе се мери преку спроведувањето на реформите.
– Се радуваме на враќањето на опозицијата на пленарните седници за тие да можат активно да придонесуваат за европската агенда и прашањата кои се дел од неа. Она што се очекува е не само прилагодување и усвојување на легислативата туку и резултати и видливи промени. Напредокот ќе биде измерен според имплементација договорот од Пржино и итните реформски приоритети. Собранието има клучна улога во европската агенда и отчетноста на владата,Уште поважно е што улогата на собранието не е само да ги донесува законите туку и да дебатира за законите… за судството, за безбедносниот сектор, за изборите, поставувањето функционери, слушање на советите на амбасадорите и следење на препораките на Народниот правобранител, порача Жбогар.