Краткиот документарен филм за студентскиот дом “Гоце Делчев“ кој претставуваше испитна вежба на Сандра Ѓоргиева, студентка на Факултетот за драмски уметнотсти во Скопје на катедрата за филмска и ТВ монтажа ја открива целосно мизеријата со која се соочени над илјада студенти во домот. Без никакви елементарни услови, дел од овие студенти се уште се плашат да проговорат, да не им забрани потоа некој да престојуваат помеѓу влажните и мувлосани ѕидови.
Филмот беше реализиран во соработка со студентите од катедрите по филмска и ТВ камера и филмска и театарска продукција, како и со Факултетот за музичка уметност.
Филмот премиерна проекција ја имаше во рамките на фестивалот Македокс во јуни 2015 и оттогаш беше дел од 8 интернационални фестивали, меѓу кои и во официјална конкуренција на Сарајево филм фестивал. Извршен продуцент на документарниот филм е Јована Мишкоска.