(ВИДЕО) Зајкова: Одбрана, дигитализација и брзо проширување за целосна интеграција на Западен Балкан

Од:

На Советот на АЛДЕ (Алијанса на либерали и демократи за Европа), кој викендов се одржува во Хелсинки, Финска, Либерално-демократската партија (ЛДП), ги предложи и ги промовираше двете итни резолуции кои имаат за цел да го затворат растечкиот јаз меѓу Европската Унија и земјите од Западен Балкан – едната за интеграција на Западен Балкан во европскиот одбранбен систем, а другата за забрзано донесување на конкретни придобивки за граѓаните.

„На Советот на АЛДЕ во Хелсинки либерал-демократите уште еднаш ја потврдија својата визија за проширена и обединета Европа, усвојувајќи ја резолуцијата на Либерално-демократската партија (ЛДП) од Македонија, со која што јасно се укажува на проширување на Европската Унија до 2030 година, согласно Копенхашките критериуми“, со почитување на македонската посебност, јазик и идентитет, изјави по состанокот претседателката на ЛДП, пратеничка во македонското собрание и претседателка на Либералите од Југоисточна Европа (ЛИБСЕЕН), Моника Зајкова.

Првата резолуција предложена од ЛДП повикува на итно започнување разговори за вклучување на земјите од Западен Балкан – особено Северна Македонија, Албанија и Црна Гора – во одбранбената архитектура на ЕУ. Тоа подразбира пристап до Европскиот одбранбен фонд (EDF), учество во Постојаната структурирана соработка (PESCO), како и вклучување во клучните индустриски и стратешки иницијативи на Европската Унија, со нагласок дека овие чекори се неопходни за да се отстрани опасниот геополитички вакуум во срцето на Европа.

„Усвоена е уште една резолуција на ЛДП, која што е поддржана и од либерално-демократските партии од регионот на југоисточна Европа, а која што се однесува на целосно интегрирање на земјите од Западен Балкан во Европскиот одбранбен и безбедносен систем, кој што изнесува повеќе од 150 милијарди евра, но и во системот на слободен роаминг, односно роаминг како дома“, посочува претседателката Зајкова.

Втората резолуција ја нагласува потребата од итно проширување на режимот Роаминг како Дома (Roam Like at Home – RLAH), на земјите од Западен Балкан, особено имајќи предвид дека Украина и Молдавија наскоро ќе бидат вклучени во овој систем. Во резолуцијата на ЛДП стои дека доколку овие земји можат брзо да добијат пристап, нема оправдување тоа да не важи и за регионот на Западен Балкан. Преку резолуцијата ЛДП бара и целосна интеграција на Западен Балкан во ЕУ заклучно со 2030 година исклучиво според мерит систем односно постигнат реформски напредок.

– Продолжуваме да се бориме за интересите на Македонија, на македонските граѓани, но и на сите граѓани во Западниот Балкан. Западен Балкан заслужува да биде успешна приказна во Европа, односно дел од Европската Унија, каде што и припаѓа, додава Зајкова.

Би можело да ве интересира

Геговска: Трагедијата на Росица нека биде последна, бараме итно воведување на електронска нараквица за насилниците

Катерина Ѓуровски

(ВИДЕО) Зајкова: 102 молкa, еден живот помалку – електронска нараквица за сторителите на насилство

ЛДП: Новите регистарски таблички за службените возила ќе значат крај на злоупотребите

Пенов и Пановски- кандидати за градоначалник на Скопје и носител на листа од ЛДП

Предраг Петровиќ

ЛДП: Прифатен уште еден наш предлог, до15 септември таблички во различна боја за државните службени возила

Граѓаните победија: Банкарските такси паѓаат под притисок на ЛДП, но тука нема да запреме, продолжува борбата против неправедните провизии

А1он