Струмица остана непобедена, велат од штабот на актуелниот и иден градоначалник Зоран Заев, кој по трет пат ја доби довербата на струмичани.
– Изборите не беа ниту фер, ниту демократски, ниту чесни. Повалкани, погнасни, поподмолни не можело некој да ги смисли избори немало – рече Заев.
Од неговиот штаб велат дека и покрај сите закани, притисоци, уцени, обиди за купување на гласови меѓу граѓаните, во фирмите и во предизборната кампања и во текот на денешниот ден, а кои траеа сè до полноќ, кога едвај со асистенција на полицијата беа извлечени гласачките кутии од три избирачки места, струмичани својата иднина му ја доверија на Заев.
