Премиерот Зоран Заев на прес конференција во Владата предложи бези предвремени избори со цел граѓаните да одлучат по кој пат сакаат државата да продолжи да оди.
-Пред два дена во Брисел доживеавме голема неправда, ЕУ не го испорача тоа што го вети. Тоа што ЕУ не успеа да одобри преговори со нас е нивна историска грешка и тоа го потврдија сите европски лидери. Ние направивме се што можевме, сакам да се заблагодарам на огромното мнозинство европски лидери кои се бореа за нас. Факт е дека ние сме жртви на историска грешка на Евроспката унија, јас сум разочаран и лут и знам дека сиот народ така се чувствува, и тоа е за мене уште една лузна. За мене лично ова е исклучително лоша работа на ЕУ. Но тоа е одлука на ЕУ заради нивни нерешени внатрешни работи и ние не можевмне да ја промениме, но и тоа како сме одговорни за сопствените одлуки, кажа Заев.
– Сериозноста на актуелниот миг бара од мене сериозна одлука, поаѓајќи од уверувањата дека секој политичар треба да е одговорен ја преземам пред себе разочараноста на народот. Се исправам пред вас и порачувам- европскиот сон нема да биде срушен. Одговорно се исправам пред вашата одлука, потребен е вашиот став, додаде премиерот.
– Предлагам брзи предвремени избори, најбрзо што може на кои вие ќе донесете одлука за патот по кој треба да продолжи нашата земја. Ова ќе биде мојот предлог на средбата кај претседателот Пендаровски. Граѓаните имаат мандат да одлучат дали да одиме по вистинскиот пат на европските вредности или да одиме по мрачниот пат на изолацијата и национализмот, рече Заев.