Претседателот на Владата Зоран Заев денеска на градските гробишта Бутел во Скопје оддаде почит и положи венци со цвеќе на вечните почивалишта на претседателите на Република Македонија Киро Глигоров и Борис Трајковски.
На положувањето заедно со премиерот Заев присуствуваше и вицепремиерот задолжен за европски прашања Бујар Османи.
Должната почит кон споменот на двајцата претседатели на овој ден, како што истакнуваат од владината прес-служба, е признание за нивниот исклучителен придонес во создавањето и негувањето на придобивките од независноста на Република Македонија.
