Претседателот на СДСМ, Зоран Заев, заедно со заменик претседателката на партијата, Радмила Шекеринска и Дамјан Манчевски донираа пари за демонстрантите од Шарената револуција кои заработија кривични пријави поради бојадисување на државните институции и на Триумфалната капија во центарот на Скопје.
Тие и претходно најавија целосна поддршка за барањата на Шарената револуција, како и за нивните идни делувања.
– Денеска се приклучивме на оваа солидарна акција која што ја организираат граѓаните на Македонија. Сите оние, особено млади луѓе кои што излегоа на улиците на Скопје, на целата наша држава не се надвор за да ги чуваат само своите права, тие водат битка за сите нас. Сега е моментот кога треба да покажеме дека сме тука да им помогнеме. Денес во Македонија се оди во затвор ако украдете 100 кебапи, а не се оди во затвор ако ја крадете, како што власта тоа го прави, целата држава, рече Шекеринска.
Александар Тодески