Премиерот Христијан Мицкоски и Владата немаат информација за тоа дали Никола Груевски има унгарско државјанство. Мицкоски даде кус одг0вор на прашањето дали Владата има информации за ова.
– Немаме ние таква информација, кратко рече Мицкоски.
Унгарскиот истражувачки портал „VSquare“, повикувајќи се на извори од унгарската влада, објави дека Груевски пред четири години добил државјанство и дека со тоа неговата екстрадиција во Македонија станува практично невозможна.
Груевски е во Унгарија од 2018 година.
Прашањето за негова екстрадиција во земјава беше актуелизирано по изјавата на новоиот унгарски премиер Петер Маѓар дека неговата земја нема да биде прибежиште на осудени криминалци и во таа прилика со име го спомена поранешниот македонски премер.